Sa bawat love story, hindi uso ang “HAPPY EVER AFTER”.

Reality check, walang forever. Syempre, sa simula ng bawat relasyon, hindi mo talaga maiiwasang sabihing.. “Siya na. Siya na talaga ang hinihintay ko.” Mali. Nasasabi mo lang yan kasi masaya ka at dala ng kilig. 

Bakit nga ba tayo naniniwala sa happily ever after na yan? Siguro dulot yan ng panonood natin ng fairy tales nung mga bata pa lamang tayo. Kaya ngayon, umaasa tayong may prinsipeng dadating sa buhay natin na nakasakay sa kabayo. Umaasa tayong matuturing tayo bilang prinsesa. Yung tipong natutulog ka lang, tapos umaasa kang may hahalik para magising ka. Teh, mahiya ka naman. Bad breath ka pa oh? Toothbrush muna bago landi.

Sa totoo lang, sa bawat “THE END” ng mga fairy tales, hindi naman talaga dun nagtatapos yun. Karamihan ng mga fairy tales, nagtatapos kapag nakuha na ng prinsipe ang prinsesa. Pero hindi niyo ba naiisip ang mga posibleng mangyari kapag sila na? Reality check, walang perpektong relasyon. Malay mo, kapag sila na, naging lasinggero ang prinsepe, o di kaya naman naging makati ang prinsesa kaya naghanap ng ibang malalandi diba? Hehe biro lang.

Parang nangyayari lang sa mga relasyon. Bata pa tayo, marami pa tayong makikilala, hindi lang siya. Sabi nga nila, bago mo mahanap ang taong para sayo, marami ka pang makakalandian at makakalampungan hanggang ma-rerealize mo na siya na. Siya na talaga.

Kaya ikaw, bata ka pa. Kaya mo lang nasasabing “FOREVER” kayo kasi masaya kayo. Masasabi mo pa bang forever kayo sa mga pagkakataong nag-aaway kayo? Hindi diba? Kapag nagkakalabuan kayo ng usapan, sumasagi na sa isipan mo na bitawan mo na siya. Nasaan ang forever doon?

Yang forever na yan, parang “unlimited” lang yan ng Globe. Unlimited nga diba? Pero mag eexpired din yan. Parang forever, may hangganan.

Kung sakaling napakasalan mo na siya, dadating pa rin kayo sa puntong may matitigok sa inyong dalawa. Sa panahon ngayon, kung natitigok ang asawa, yung naiwan naman ay magpapakasal sa iba. Anong forever doon?

Hindi ko masasabing totoo ang forever sa ngayon. Dahil bata pa lang nga ako diba? Balang araw, kapag nakapag asawa na ako at kung sakaling natigok na ako, aantayin ko na lang siya sa heaven. (kung dun nga ako tutungo hihi) At kapag natigok na rin siya at nagkita na kami sa langit, at alam kong ako pa rin ang mahal niya, doon ko masasabing totoo ang forever.

 PAALALA: Ito ay mga opinion ko lamang. Kung may mga mali, pagpasensyahan niyo na. Sabi ko nga

“ITO AY MGA OPINION KO LAMANG. :P”

                                      

                                                               

Secret Relationship.

Ano nga ba ito? Eto ba yung dalawa lang kayong nakakaalam na merong KAYO? 

Relasyong hindi mo alam kung tama ba o mali.

May mga positive at negative sides din naman ito:

Positive:

·         Hindi kayo mapag-chichismisan.

·         Walang gulo.

·         Wala yung mga hahadlang at yung mga mang-aagaw.

·         IWAS INTRIGA.

Negative:

·         Hindi niyo masyadong mapapakita ang pagmamahalan niyo.

·         Kailangan niyong malayo sa mga nakakakilala sa inyo kapag may date or may ka echusan kayo.

·         May lalandi sa kanya at may lalandi sayo. Di naman din nila kasalanan eh. Bakit, alam ba nilang may relasyon kayo?

·         MAHIRAP MAG-TAGO.

·         At kapag nalaman ng tropa mo, magagalit sila sayo kasi di mo nasabi sa kanila na merong kayo.

Mahirap pumasok sa ganitong sitwasyon.

May mga pagkakataong kailangan nating itago ang relasyon natin sa isang tao

For Example:

* Ayaw sakanya ng magulang mo.

* Ayaw sayo ng magulang niya.

* Ex siya ng friend mo.

* Hindi ka proud na i'front siya sa mga tao.

* Nakikihati ka lang ng pag-ibig.

Pero kahit ano pa man ang dahilan niyo kung bakit tinatago niyo ang relasyon niyo sa isang tao, MALI pa din yun. Kasi diba kung mahal niyo naman talaga ang isa’t isa, no need na itago pa. Show your feelings to everyone. Kung may hahadlang, harapin niyo. Makakaya niyo lahat basta magtutulungan lang kayong dalawa. Wag niyong isipin ang sasabihin ng iba. Kayo ang nagmamahalan, hindi naman sila. Hayaan niyo nalang sila hanggang sa magsawa silang magsabi ng kung ano ano tungkol sainyo.

Hanga ako sa mga taong marunong mag let go.

Yung tipong makita lang nila ang taong mahal nila na masaya, ayos na sila. Yung handa silang magtiis at magparaya para sa taong minamahal nila. Alam na kasi nilang wala silang pag-asa, bakit pa sila aasa? Kesa sa may madamay pa at masaktan, kaya mas mabuting mag let go na lang.

Sila rin yung kuntento na at tanggap na ang nangyari sa kanila pero naniniwala pa rin sila na may dadating pang panibago sa buhay nila. Yung mamahalin din sila pabalik at papahalagahan din sila ng bongga. 

Oo, tama ngang ipaglaban ang nararamdaman mo para sa isang tao. Pero may mga pagkakataon na wala na itong patutunguhan, kaya mas mabuti pang mag-let go para wala ng masaktan.

Gaano katindi ang PAG-IBIG?

·         Nagagawa nitong mapag-antay ang mainiping tao.

·         Nasasaktan nito ang manhid.

·         Nagiging sweet ang masungit.

·         Napapatawa ang malungkutin.

·         Napapalambot ang pusong bato.

·         Nagagawa nitong tanga ang matalinong tao.

Come to think of it, napaka’daming nagagawa ng PAG-IBIG sa isang tao. Ikaw mismo sa sarili mo magugulat ka nalang na nagagawa mo na pala yung mga bagay na dati ay hindi mo ginagawa.

That’s the magic of LOVE.

Love can CONTROL people. LOVE can change people.

Pero hindi ngunit nako’control tayo ng ating mga emosyon eh magpapatalo nalang tayo basta dito. Dapat matuto din tayong labanan ito paminsan minsan lalo na’t kung alam natin na hindi na tama, o may mga nasasaktan o nasasagasaan na tayong tao.