Magmahal Muli

Ang magmahal muli pagkatapos ng isang katatapos lang na relasyon ay mahirap. Fresh pa yung sugat. Hindi pa nakaka-move on. Kumbaga kasi bago palang yung break-up niyo. Lagi mong naiisip yung nakaraan na kung saan naging masaya ka at bumago ng buhay mo.

Nagmahal ka. Mas minahal mo siya, mas nasaktan ka. Yung sakit na iniinda mo ngayon, sakit na hindi mo inasahang mararanasan mo. Sakit na hindi mo naisip mula pa noon kasi nagmahal ka ng sobra at nagmahal ka ng totoo.

Paano kapag dumating na yung panahon na wala ka ng nararamdaman na hinanakit? Yung panahong kinalimutan mo na yung lahat ng tungkol sakanya? Panahong ikaw ay nakapag-move on na at handa ng umibig muli? Handa ka na nga ba? Tanungin mo yan sa sarili mo. Kung hindi pa, mag-isip ka ulit ng mabuti. Pwede kang makipag-kaibigan at mas lalong bigyan ng oras ang sarili mo para makalimutan mo lahat ng pinagdaanan mo. Maibibigay nito ang sapat na oras para makalimot ka.

Kung handa ka na, siguraduhin mong wala ka ng naiwan pang munting feelings para sa ex mo. Yung tipong kapag nagkausap kayo o nagkaharap, wala ng kaba at ilangan. Papasok ka na naman sa isang relasyon kung kaya’t dapat mo ng iwan ang nakaraan pero dala dala ang leksyong natutunan mo mula rito.

Magsimula ulit. Bumangon.

Malay mo yung susunod, siya na pala ang papawi ng lahat ng sakit na nararamdaman mo at mamahalin ka ng mas higit pa sa nakaraan mo. Huwag kang matakot magmahal muli.

PAALALA:

Huwag mong pilitin ang sarili mo na magmahal muli kung hindi ka pa handa. Hindi tamang gumamit ng ibang tao para lang makalimot.